الى شهداء تلدرة وكل شهداءسورية الف رحمة وسكينة
تنزل على ارواحهم.
لا تدمعي يا عين ع الراحوا
حبّ الشهاده مخيم جناحو
كلن شموع منورين الليل
متل الكواكب بالسما لاحوا
.....................
قومي يا أمي زغردي طلّوا
رشي الورود. بدارنا. حلّوا
لو جمعوا مال الدني كّلو
ما كان يغنينا عن الراحوا
...................
قبلن شباب بهل درب ساروا
لا تعبوا لا خافوا ولا احتاروا
مين اللي يطفي القلب من نارو
يخلي الحزين يلملم جراحو
................
دم الشهيد معطر بريحان
بجنة. خلود وحاجبا رضوان
من كل عيله مشكله الألوان
باقة ورود من العطر فاحوا
محمد نصر الدبيات
