بتتذكري..........
بتتذكري وقت اللي كنا صغار
وما كان بعد مفتحة الأزهار
نلعب سوى وتتمايلي عليي
ومن حول منا يرفرفوا الأطيار
كانت النية متل ما هيي
أصفى من الألماس والأنوار
فيها البراءة من الطفوليي ة
والطهر منها كتير كان يغار
هلق كبرنا وصارت النيي ة
مع ألف غاية كاتمة الأسرار
بدها و بدها وليت لو فيي
نلعب سوى لنو شي ربع نهار
بتتذكري بالبيت عليي ة
فيها لعبنا عقدة الزنار
أمشي عليه نطلع شويي ة
ونعرف العقدة حلها وين صار
بتتذكري عالعين يوميي ة
نقطف سكوكع ياحلى نوار
هونيك تلة شوي مخفيي ة
امشي سوية نرجع التذكار
بتتذكري عالنهر بالميي ة
تنامي عا ديي وتقطعي الدوار
اشتاقت تاحتى تسبحك ديي
والنهر اكثر شوق للمشوار
كبرنا ولكن بعدها حيي ة
فينا الطفولة والقلب هدار
امشي معي لنو شي عصريي ة
نعيد المضى لكن بلون جديد
أطفال أما بالخيار كبار
