زيت العمر...................
غافلت حالي وتهت بخيالي
من غير وعي تايه معي حالي
حملت الأمل عاجوانحي وصفيت
طاير مابين طموح أمالي
ولما بحلمي يا قمر هليت
وطيفك بنورو شعشع قبالي
حسيت حالي كل ما تمنيت
لقيتو بحالي والعمر حالي
صرت بخيالي حاور الياليت
أحسب وعدد كل رسمالي
لقيت حالي ضايع بياريت
وما في عوض إلا من الغالي
وانتي ياغالي فت عالسكيت
تعزف على أوتار موالي
لولاك ماكنت العشق غنيت
ولولاك ما عاد الهوى شمالي
صار العمر قنديل أخر زيت
ومن بعدها وحدو العتم تالي
يازيت....يلي بالحلم ضويت
ترفق بقلب من الوجع بالي
ومن بعد ما حلم الأمل كفيت
وعرفت أنو واقعي خالي
لفلفت حالي وخاطري لميت
وصرت بخيالي ارجع لحالي
.............................
