وفجأة
بين يوم وأخوه
بيحمل جنّي الحُب غراضو وبفل ..
وبخلي مطرحو هنيك .. نتفة
شوية.. ظل
وبتحترق ريحة العطر
وبتتشردق ريحة الفل
وبيتحول الشوق
من تحت لفوق
لغل
وفجأة
الهمس بصير صريخ
زعيق
وسما العشاق ببطل فيها
بريق
وضو الشمس
بين يوم وأمس
بصير حريق
وببطل ينغل النبض
ولا ب بحبش ع طريق
وهداك لكان الروح
بصفي مجرد صديق
وك لحظة لسا
مبارح كنت للقلب رفيق ؟
كيف هيك ؟
يا جني الحُب
انت يا بيك !
رجاع
رجاع
بدي من هالكابوس نوعى
بدي اصحى وفيق
ونرجع أحباب
تاع دق يا حب عالباب
بلا حب انا مخنوق
وغريق
غريق💔
شهرزاد
