ضاع الصّدى
========
بتذكُر عٓ باب الدار شو حكينا؟
وقديّش قلتلي بعدْ بكّير..
ظلِّك معي.. خلّّي الزّمن يمشي..
ما شبعت منِّك، بعد بدّي كتير!
**************
بتذكُرْ شو بكيوا عيوننا،
ونِشفْ الدّمع..
وقلوبنا ذابِت،
متل عود الشَمِعْ!
**************
ولمْ صار لازم فلّ،
قلتلي تعي..
نسكّر علينا البابْ،
ننسى هالزّعَل!
**************
جَاوبْتْ لازم روح ،
ناطرني سراب!
ان بدك تعا نمشي سوا،
وننسى العذابْ!
يمّا وعِدني نلتقي،
خلف الضّبابْ..
لمّا شي يوم بعود،
عأرض الحبابْ!
**************
ومن يومها،
شاحِت عيوني عَ الدّربْ،
ضاع الصدى..
وسكّنتني... خلف الغيابْ!
" رندة رفعت شرارة"
