نطرتَك تَ نام اللّيل،
والنطرة ضجَرْ..
سنين خلف سنين..
ما نام الحنينْ!
ولو ما توقعتِك تجي،
ل كان هالقلب انكسرْ!!
عيونِك يا رشفة بِنْ،
والهال عم بيجنْ..
لتلمسو شفافَك،
وعليه نتفة تحنْ..
وتنده عل مهلَك..
يا فجرإمشي
عالهدا،
طلّ القمرْ..
ويا قلب دخلك كِنْ!
يا قامتٓك متل الرَمحْ،
شرقِت متل..
شمس الصّبحْ!
وهمسات تندهني..
اسمعي،
هالقلب لحنو... تكتكِة،
ولَ مين بدو يشتكي..
ن ْغبتِ بيبكي،
مدمعي،
بيموت حتى ترجعي..
ولمّا تعودي،
بيرقصوا النغمات،..
بتزهر بمسكبة الحبق،
وردة وزهرة فلْ..
بتضيع إيدي بالعتمْ،
بتطفي القمر، بتبعتوا عالنّومْ..
بترسم بقلبو حلمْ!
وإنت وأنا بنصير..
نغمة ناي،
تعزف غناني الحُبْ..
والله يا لحن الهوى،
لمّا علينا تهبْ!!
"رندة رفعت شرارة"
