الخزانة...........
فتحت الخزانة والعطر شميت
مابينوصف هالوقت شو حسيت
حسيت صار البيت بالجني ة
يما الجنة كلها بالبيت
تأملت بفستانك البني
من دون وعي ياغالية صفيت
لما عاجسمك كان جنني
وياما عليه من الحسد صبيت
الإيشارب حدو كان مستني
بني....مطرز من خيوط الزيت
بعنقك المصقول ذكرني
الله يا إيشارب شو لفيت
وسمعت جوى خزانتك رني
قربت اتسمع على السكيت
بسلسالك معلق صدى عني ة
من يوم ما بحضنك اتدفيت
حالي تركني وفات بظني
وصفى خيالي يدوب بالياريت
وصار الحلم بداخلي يغني
وبتعرفي بالنفس شو تمنيت
قفلت الخزانة وبالقلب أني ة
وفيها بلوعة لهفتي حطيت
بدها الخزانة تخبرك عني
وابقي لحالك اعرفي اني
بطية الفستان شو خبيت
