..................."ياليل".ياعين.
كتبنا عالضيعه قصيدْ
وردوا. علينا من بعيدْ
وقالوا. إني. مكبرها
وكلامي. ما عاد يفيد ْ
~*~*~*~
قالوا إللي ببالك خاطر ْ
كلوه من الأزمه صايرْ
وحاجي. بأمرك. حاير
ورأيك. ما عاده. سديدْ
بدي. أحكي. ع الأزمهْ
وبدي أفجي هل وزمهْ
تركني من هاك الرزمهْ
إلفيها الخائن والرعديدْ
مين. إلمن بيته بيطلع
وإن طلع ماعاد. يرجع
وقاعدين بتم. المدفع
والعبوه وضرب بواريد
الضيعه. بناسا. وسكانا
إللي. عم تحمي أركانا
نحني. خلقنا. نتفانى
وعن. هالمبدأ. ما بنحيدْ
لولا هالناس. الطيبينْ
العاشوا فيها من سنينْ
ولولا. تعب. هالإيدينْ
ما. في. هالضيعه أكيد ْ
الجنه إنخليت من الناسْ
لا. بتندخل ولا بتنداس
بدنا. يجمعنا. الإحساسْ
وحاجي بالقصه. تفنيدْ
بدنا. نحكي. بالواقع
مو. لنزيد. المواجعْ
إن كنك عالضيعه راجع
حملك شي ورده بالأيدْ
#محمد_نصر_الدبيات
