متل الصَّلا ع مخدة المظلوم
تْشَتِّي أمل من إيد مرفوعا...
ومتل اللِّعِب لما ع غفلة يقوم
بعيون طفلة نشفتْ دموعا ..
ومتل اللي عم بيقول : " خلص الصوم"
لقلوب عم بتموت من جوعا
ومتل اللي حامل شي ضريبة...يقوم
يقلو حدا : مَ عْلَيك ....مدفوعا ..!!
ومتل اللي ودّع روح قبل النوم
وفجأة بْ منامو تخيل رجوعا ..!
ومتل الحرف ع ذينة المطروم
آخد معو حكايات مسموعا ..
ومتل التلج لما يرش طقوم ..
بيضا ....ع صحرا ب روح موجوعا
ومتل الصبح يخطر ع بال كروم
عم تلكز خصور (الفنا) بْ كوعا..!
......
متل اللي ما عندو ( مِتِل)... كل يوم
كِلْماتَك بْ إدْن الدفا بتوعى ...
متلن (إنت) .. وشو بْ هال ( انت ) محكوم
عمري ...وفيك تقول : ((مبروعة)) ..!!
