شردة خيالي...............
بين التمني ودقة التصوير
رسمتك ببالي بشردة خيالي
كتبتك قصيدة كاملة التقدير
الحروف فيها مقطرة تقطير
وألوانها من العطر منشالي
..............
شفتك كأنو الصبح عم توعي
وملغوشي من حلمك العطشان
متل لكأنو فراشك ضلوعي
وملفلفة بحرام من جوعي
وفوق المخدة نهدتك طوفان
...................
ولمن وقفتي قبال المرايه
وماكان بعد الوقت صار نهار
صار الحلى يحكيلك حكايه
والمشط وحدو رايح وجايه
سكران عم بيمزمز الأوتار
..................
وعيتي ومعاكي وعيت البسمه
والخد زر الورد وتفتح
وكل ما عليكي مرقة النسمه
وكانت شفاف الشهد مبتسمه
يقطر عسل والعطر يتفوح
..................
وعيتي وكأنك بعد ماوعيتي
عيونك نعسها كاشف المستور
متل لكانو الصبح ما غفيتي
وانتي بحلمك دايبة صفيتي
والنور ما بيدوب إلا بنور
.................... .
