( المنتدى الأدبي اللبناني)
حب العبوديّه
شِفْتِك بِعَجْقة ناس مَ عْرِفْتِك
نْدِمْت وْقِلِت يا رَيْت ما شِفْتِك
عا هَالحَفل ما كان وارد روح
وْتا نِلْتقي حَتَّى مَ كانْ مَطروح
عا دُرج أرشيف العَمر ضِفْتِك
***
شارَكْت عَن غَير قَصْد بِالحَفله
وما كِنْت ناوي ضَلِّ لِلْقَفله
وْمَ عْرِفْت إنِّك هَون مَوجودي
وِلْهالسَبب سَلَّمْت بِبْرودي
وِالأمْر كِلُّو كان عا غَفله
***
ما قَفْزِت عْيوني عَ عَيْنَيْكي
وْلا شْعَرت فِيها نار إيْدَيْكي
طْرَدْت الوَهِم وِبْواقِعي عَم عِيْش
وِجْوانِحي قِسْيوا.. ﭐنْكَسوا بِالرِّيْش
وْما عاد قَلبي يِلْهُف عْلَيكي
***
حاسِس عَ حالي خالِق مْن جْديد
وْما عاد عِيْد الكِنْت حِسُّو عِيْد
تْحَرَّرت مِن حُبِّ العُبوديِّه
وْصارِت طَلِيقه كْتِيْر إيْدَيِّ
وِالدَّمْع عَ الأطلال ما بِيْفِيد
***
الصحافي شربل زغيب
