اللي صار...صار
وينك تعي تاندوزن الأوتار
ونعزف على موال قصتنا
من عمرنا كل ما يروح نهار
بتروح بسمة من سعادتنا
اللي صار.صار وبلش المشوار
ونقوة صفاء الحب نقوتنا
مابينحجب حب القلب بستار
والبعد مابيطفي بلهفتنا
انت وانا والحب والأزهار
ياما شردنا بحلم غايتنا
والشعر معنا يناغم الأطيار
وبالتكتكة تجاوب عانغمتنا
وعمل الهوا من حولنا عطار
وشلال يترنم عانهدتنا
كيف بدو ينتسى اللي صار
ولا قدرت الأيام نستنا
وينك تعي تانرجع التذكار
مطرح ما كنا خلف تلتنا
ماعاد تحرز بقوة الأعمار
اللي صار صار بحكمة الأقدار
ومنها بحجم القدر قوتنا
