يابحر لي شأني في فتح قنواتي
عندك أنا جيت تاإنسى إنكساراتي
يفاجئني بالحبّ وكنتُ قد نسيتُه
ومحوتُه من كلّ حروفي وأبجديّاتي
يابحر هادا الولد
يابحر خان العهد
يابحر- جدد لي عذاباتي.
إيهٍ صديقي يابحر
لوتدري شوعندي قهر
أتوسَلك تسمعْ وماتبدي رأي
كوني أنا ملّيت من كتر الصّبر
جاني بهيئة- كلها حبّ وشموخ
لكن ياحسرة كان قد قضي الأمر
من يوم كنّا صغار عاندني القدر
بعثرلي أحلامي وكسّرها كسر
وكل مايصادفني شخص من البشر
ينَظّرْ عليّي كون أيّوب الصّبر
فقدت الثّقة وواريت همّي يابحر
هي إنت أعماقك بتحتوي ألماس
أغلى من الّتبر.
لكن أنا عندي ثقة جوّى حناياك
شي ميّة طريقة للغدر
ميّة طريقة للجذب
ميّة طريقة للجذر
ميّة طريقة تسحر قلوب البشر
ويجددوا جيّاتهم إلى شطّ البحر
ويصيروا يحكوا أمور منها ماظهر
وكتير منها كان ميّت واندثر
لكن حبيبي يابحر سامحني
مايوم رح اغدر ومو طبعي الغدر
وياريت تساعدني نخبر هالولد
يختار درب يناسبو دربي وعر
وياريت يفهم هالأمر .
